العسل الاسود و صعيد مصر

العسل الأسود هو الغذاء رقم واحد فى صعيد مصر .

أخطر مرض على الإطلاق وخاصة الأطفال و كبار السن الجفاف وعشان تفهم أضرار الجفاف لازم تفهم دور المياة الاساسي فى الجسم أيه ؟
١- المياه بتحافظ على درجة حرارة جسمك طبيعية .
٢- بتحافظ على ليونة مفاصلك جفاف المفصل خشونة على طول.
٣- جفاف الجسم إنهيار للجهاز العصبى وضعفه وضعف الأعصاب والرعشة والتنميل والحرقان.
٤- المياه بتغسل الأعضاء من الفضلات والأوساخ اللى بتتعرض ليها يعنى بتغسل الرئة من الأدخنة الكبد من السموم الكلى من الأحماض إلخ .
👈طيب أعراض الجفاف أية ؟
١- أهم عرض لون البول الغامق
٢- الدوخة
٣- الإجهاد المزمن والتعب المزمن .
٤- جفاف الفم والشفتين واللسان .
٥- التوتر العصبى الشديد والشد العضلى المزمن .
٦- الصداع المزمن .
٧- اضطراب ضربات القلب.
٨- جفاف الجلد والتجاعيد المبكرة.
٩- الإمساك المزمن .
١٠- مشاكل الكلى زى الحصوات والأملاح.
👈طيب ما هي أسباب الجفاف ؟
١- أهم سبب للأسف مرض السكر .
٢- الإسهال المزمن والقئ .
٣- الكحول
٤-ارتفاع درجة حرارة جسمك .
٥- استخدام الأدوية المدرة للبول .
٦- إرتفاع درجة الحرارة الجو والتعرض للشمس .
👈هل علاج الجفاف هوه شرب الميه ؟
جزء من علاج الجفاف شرب المياه بإنتظام بس دا جزء من العلاج وليس كل العلاج الأهم من شرب الميه بكميات هوه دعم الجسم بالأملاح المعدنية اللى بتخلى الجسم يحافظ على الميه فيه وبالتالى يفضل دايما رطب وليس جاف والعسل الأسود هوه المصدر الأول للأملاح المعدنية كغذاء ولذلك هو المفضل جداااا أكله من أهل الصعيد لأنه بيعالج ليهم الإجهاد الحرارى الخطر جدا الناتج عن إرتفاع درجة حرارة الجو فى الصعيد وسبحان الله لا تجود زراعة قصب السكر إلا فى صعيد مصر ودا اللى كان قاله أبقراط عالجو المريض بنباتات أرضه .
العسل الأسود مش سكر ١٠٠٪ زى السكر الأبيض لا لا دا أصح من السكر الأبيض بمراحل فهو عبارة عن مركز عصير القصب دبس القصب فهو خليط من السكر و الأحماض الامينية والميه والأملاح المعدنية اللى زى ماذكرت بترطب الجسم.
👈طيب سعراته الحرارية أيه ؟
كل أربع معالق كبيرة ٢٩٠ سعر حرارى .
👈طيب ماهي فوايده غير إنه العلاج الأمثل للجفاف و تحمل إرتفاع درجة الحرارة والإجهاد الحرارى ؟
١- الإنيميا طبعا دا مصدر الحديد رقم واحد.
٢- تساقط الشعر و الشعر الأبيض المبكر الشعر الأبيض المبكر ياجماعة من علامات جفاف الجسم أرجوك لو الجو عندك جاف إحذر من الجزئية دى الجسم بيشيخ بسرعة فى الأجواء الحارة عشان كده بتلاقى اللى عايش فى الخليج ولا فى جو صحراوى فجاءة شعره بيطق أبيض ويبان عليه العجز ودا حله بسهولة والوقاية منه تناول العسل الأسود والأملاح المعدنية ومصادرها زى الخضروات والأسماك بإنتظام والفراولة.
٣- فرط الحركة ونقص إنتباه الأطفال تناولهم العسل بإنتظام بيزود تركيزهم الدراسى وبيمنع التنطيط وفرط الحركة وقلة التركيز بيخلى العيل راكز .
٤- علاج الإمساك طبعا .
٥- الالام التهاب المفاصل بيمنع جفاف المفصل والغضروف.
٦- مهم جدااااااا لإلتهاب الصدر والربو وحساسية الصدر خاصة للمدخنين لازم يشربو منه كميات بإنتظام .
طيب هل العسل الأسود بالطحينة مفيد ؟
لا الحديد والكالسيوم مينفعش يجتمعو مع بعض متاكلش العسل الأسود مع اللبن ولا الطحينة لو هتاكلهم كأكل طعم حلو ماشى مش مضرين بس الفايدة هتقل لأن الكالسيوم فى اللبن والطحينة هيحد من إمتصاص الحديد لو معندكش انيميا كل براحتك .
👈طيب أحسن أكل مفيد مع العسل الأسود أيه ؟
الليمون والبرتقال والجوافه والكيوى مصادر فيتامين سى عشان امتصاص الحديد .
فى النهاية تغذية الأطفال يوميا بالعسل الأسود هيطلعهم عيال شاطرة وراكزة ولكبار السن هيحفظهم من الجفاف والعجز والمدخنين ومرضى الرئة هيوقف إلتهابها .

دمتم بصحة💪

14 تعليقات

  1. m3ga – мега маркетплейс, мега ссылки

  2. kra32.cc – кракен открыть, кра ссылка

  3. онлайн сериалы бесплатно – онлайн сериалы бесплатно, фильмы вышедшие онлайн

اضف رد

لن يتم نشر البريد الإلكتروني . الحقول المطلوبة مشار لها بـ *

*

x

‎قد يُعجبك أيضاً

كيف نتجنب الفشل ونحقق النجاح في حياتنا المهنية؟

بقلم : شيماء سيف الاسلام هناك العديد من الأسباب المحتملة للفشل في ...