كل شيئ عن القهوه

اخيرا لقيت فرصة عشان اعرفكم المعلومة المفيده دى?

••#هل_تعلم عزيزى القارئ الجميل إن شربك للكافيين المفروض يكون فى اوقات معينه مش وقت ماتحس نفسك محتاج تظبط دماغك تشربها وخلاص ?
او بمعنى اخر انت بتشربهاغلط!
تعالى اقولك بقى اى الكلام ده??

. الكافيين الموجود بالقهوه يصنف ك دواء..وفعليا أكثر دواء شائع أو عليه ادمان بالعالم ..90%من الناس ف العالم بيتناولوا الكافيين بشكل أو بآخر عن طريق ” القهوه والشاي وغيره”…. طيب لى بيصنف ك دواء ؟؟؟
لانه بياثر على الخلايا العصبيه بطريقة مشابهه لبعض الادويه وممكن يسبب الإدمان وعلى الأغلب معظم ال بيقراء دلوقتى مدمن للقهوه بنسبه كبيره..

• فى معلومه غريبه ب كتاب CAFFEINE لى مايكل بولن
  بتقول أن القهوه اكتشفت فى العالم الاسلامى تقريبا وقت٨٠٠ ميلادى وبعدها بدأت النهضه العربيه الاسلاميه ال هو العصر الذهبى الاسلامى بعد كده انتشرت القهوه فى اوربا
  وguss what بدأ العصر الذهبى الاوربى?
  فبيقول أن القهوه كان ليها تأثير كبير فعلياً…لأن القهوه تزيد من الإنتاجية للناس، بتزيد من قدرتنا على التعلم وبتزيد قدرتنا على التركيز.

•وحده من فوائد القهوه الثانيه أن فيها مضات اكسده والنقطه دى بتساعدنا فى الحماية من بعض الأمراض المزمنه
ولاكن فى مشكله للكافيين..ألا وهى، ان عمر النصف للكافيين 5ساعات تقريبا..معناه!!!!
إن مثلا لو شربنا قهوه على الساعه2م بعد 5ساعات..نصف كمية الكافيين الموجوده بالقهوه لسه موجوده بالدم! الساعه7م نصف الكميه لسه موجوده وبعد 5 ساعات بيكون ربع الكميه لسه موجود…”ف كل 5ساعات بيقل التركيز للنصف”..لانه بيفضل فى الدم فتره طويله

طيب ولي الكلام ده ممكن ميكونش كويس ؟ ازاى بيشتغل الكافيي؟
ده لانه بيرتبط بمستقبلات ماده أخرى اسمها ال Adenosine وهى واحده من النواقل العصبيه ال بتتراكم خلال اليوم ف دماغنا وبليل لما تتراكم الماده دى بتكون الشعور بالنعاس وبتخلينا ننام بطريقه افضل ف الكافيين بيرتبط بمستقبلاته وبيمنع أن النواقل العصبيه دى تشتغل بالشكل الصح..ف الأمر ده هو ال بيأدى اننا نصحى ونصحصح كده لما نشرب الكافيين
بس المشكله هتكون موجوده لو فى كافيين موجود بالدم لما نيجى ننام? الأمر ده ممكن يأثر على جودة النوم بتاعتنا وممكن يمنعنا من الدخول بالنوم اصلا.
بس حتى لو انت من الناس ال بتشرب القهوه او الشاى وتدخل تنام عادى..هنا الكافيين ممكن يأثر على جودة النوم

••• النوم فى مراحل ?
وفى مراحل العميقه من النوم
مهم جدا عشان النوم يكون صحى ..عشان المخ ينظف نفسه
عشان يعيد برمجة نفسه
مشكلة الكافيين أنه ممكن يثبط دخولنا فى مرحلة النوم العميقه ف مناخدش نوم عميق كافى.. مع أنه احنا نايمين 8 ساعات..بس بنصحى مش حاسين بالنشاط والحيويه زى منكون منمناش كويس أو فتره صغيره بس ال نمناها!
المشكله مش بس فى القهوه ممكن تكون الشاى، الشاى الأخضر،الشوكلاته الداكنه..الخ

•ف يفضل أنه مناكلش كل ده بعد الساعه12الضهر..لأن زى ما قولنا فوق أن الكافيين بيفضل فى الجسم فترة طويلة.

ف بعد12″ الضهر طبعا?”مناكلش اى حاجة فيها كافيين، عشان نحسن من جودة نومنا..حتى لو انت من الناس ال بتشرب قهوه وتنام..فده هياثر عليك فى نومك العميق ومش هتحس بالراحه ال مستنيها

• فى بدائل لو مضطر بعد الساعه12تشرب الكافيين وهو
القهوه منزوعة الكافيين Decaf
طبعا ده مش معناه أنها منزوعة الكافيين نهائي..لأن فيها فعلياً 10%من فنجان القهوه العادى
بس ممكن عادى نشربها بعد الضهر..على الأقل هتكون افضل من أننا نشرب قهوه عاديه ونفس الكلام فى الشاى منزوع الكافيين….والحلو أن فى الDecaf فيها نفس مضادات الأكسدة ال اتكلمنا عليها ف بردوا بتستفيد منها بالشكل ده

•لا تشرب الكافيين بعد الاستيقاظ مباشرتا من النوم
نحاول نخليها بعد ساعتين تقريبا بعد ما نصحى
لان لما نصحى الصبح بيتم إفراز هرمون الكورتيزون ال بيدينا شعور ب النشاط والحيويه الصبح..وبعدين بيبدا ينزل مستوى الكورتيزون..ف بعد ساعتين تقريبا الواحد يقدر يعزز النشاط ده عن طريق شربه لأى نوع من الكافيين
بس لو شربناها مع ارتفاع الكورتيزون الصبح فده هياثر على عمل الكورتيزول وممكن يبوظ دورة النوم والاسترخاء بتاعتنا..ف بعد الاستيقاظ بساعتين نشرب الكافيين ومش بعد الاستيقاظ مباشره?
وكمان يفضل لو شربنا القهوه ما نشربهاش مع سكر او حاجه فيها سكر عالى…وده لان الكافيين بيحفز الجسم أنه يسحب السكر من مصادر السكر فى الجسم..ف ده بيأدى إلى ارتفاع السكر فى الدم…ولواكلنا سكر كمان ف ده يؤدى إلى ارتفاع السكر بالدم بشكل كبير ويؤدى إلى ارتفاع هرمون الأنسولين وال يؤدى إلى شعورنا بالخمول عشان كده بنحس بيه لما ناكل حجات مسكره كتير ف بالتالى زاد مستوى الأنسولين وقل السكر بالدم بشكل سريع ف نحس بالخمول ال اصلا شربنا قهوه عشان نخلص منه ??
عشان كده الافضل اشربوها ساده?
صاحب المعلومات المفيده دى :
كيف تشرب القهوه بطريقة صحيحة -حسب ما يقوله العلم
Doctor Adam