التطعيمات الإضافية ??

عرض وتقديم د. محمود عبد العاطي

مش فلوس على الفاضي والله ??
هنبدا بافيدهم بالترتيب

1️⃣ تطعيم الروتا ?
✅ مهم جدا جدا جدا بيقي بنسبه ٧٥٪ من النزلات المعويه
✅ تطعيم حي
✅ فيه نوعين ?
? نوع اسمه روتاريكس وده المشهور بحوالي ٣٥٠ ج وجرعتين بس
?ونوع اسمه روتاتيك وده تلات جرعات بحوالي ٤٠٠ ج
✅ الجرعه ا ملي بتتاخد عن طريق الفم
✅ الوقت …شهرين واربع شهور ف حاله الروتاريكس
او شهرين واربعه وست شهور في حاله الروتاتيك
✅ اقل وقت نبدا بيه شهر ونص واخر ميعاد الجرعة الأولى ٣ شهور و٢١ يوم بعد كده مينفعش لا جرعة اولى ولا تانية وآخر ميعاد للجرعه الثانية 8 شهور ??

2️⃣ تطعيم المكورات الرئوي ?
✅ مهم بيقي بنسبه كبيره من الالتهابات الرئويه وبعض حالات الالتهاب السحائي وبعض حالات التهاب الاذن الوسطى ?
✅ فيه منه نوعين ?
?بريفينار وده افضلهم بحوالي ٥٠٠ ج
?والتاني سينفلوركس بحوالي ٣٠٠ ج
✅ الجرعه ..بيتاخد حقن عضل
✅ الوقت ?
?لو الطفل اقل من ست شهور وعايزه اديه بيتاخد عند شهرين اربعه ست شهور واضافيه عند سنه ونص
?لو الطفل من ٧ شهور الي ١١ شهر بيتاخد جرعتين بينهم شهر واضافيه عند سنتين
?لو الطفل من سنه الي سنتين بيتاخد جرعتين بينهم شهرين
?لو الطفل اكبر من سنتين واول مره ياخدها بتتاخد جرعه واحده فقط
✅ اكتر حد بيحتاج التطعيم ده ? الطفل مريض القلب او مريض رئوي مزمن او عنده حساسيه صدر او بياخد كورتيزون لفترات طويله او انيميا الخلايا المنجليه

3️⃣ تطعيم الانفلونزا ?
✅ مهم جدا جدا نديه لمريض حساسيه الصدر او مريض القلب او مع نقص المناعه
✅ فيه منه نوعين ?
? فاكسيجريب
?وانفلوفاك بحوالي ١٧٠ جنيه
✅ الجرعه ?
?نص ملي اي الحقنه كلها للاطفال من ٦ شهور الي ٩ سنين
✅ الوقت ….شهر ١٠ و ١١ كل سنه…بشرط الحقنه يكون مكتوب عليها تاريخ السنه دي
✅ لو الطفل اول سنه ياخد حقنه الانفلونزا بياخدها جرعتين بينهم شهر وبعد كده جرعه واحده كل سنه
✅ اللي مياخدش التطعيم ?? اللي عنده حساسيه شديده للبيض او تاريخ مرضي لانسداد معوي

4️⃣ تطعيم فيروس A الكبدي ?
✅ تطعيم غير حي بيقي من فيروس A
✅ نوع واحد يسمي هافركس بحوالي ٣٠٠ ج
✅ الجرعه …نص ملي عضل وهما جرعتين
✅ الوقت…اول جرعه بعد سنه والجرعه التانيه بعدها من سته اشهر الي ١٨ شهر
✅ مهم خاصه لاطفال نقص المناعه
✅ مشاكله شويه احمرار، انتفاخ، الم مكان الحقنه سخونيه بسيطه صداع ?

5️⃣ تطعيم الجديري المائي ?
✅ تطعيم حي بيقي من الجديري
✅ نوع واحد اسمه فاريلريكس بحوالي ٣٠٠ ج
✅ الجرعة تحت الجلد
✅ الوقت …اول جرعه بعد سنه والتانيه اربع سنين
✅ ممكن يعمل شويه الم، احمرار، انتفاخ مكان الحقنه او راش ف الجلد ف خلال شهر من اخذها
✅ لازم نفصل شهر بينه وبين اي تطعيم حي زي الحصبه الروتا وغيرها

6️⃣ تطعيم المكورات السبحى ?
✅ من اسمها بتقي من الالتهاب السحائي ف المخ اللي بيسبب نسبه كبيره من الوفيات
✅ الجرعه بيتاخد حقنه عضل المفروض عند سنتين واضافيه عند سبعه…بس حاليا بيتاخد ف المدارس ف مصر…بنديه لاطفال نقص المناعه او انيميا الخلايا المنجليه او اللي بيسافروا مناطق موبوءه

? يبقي لو الطفل اصغر من ست شهور يطعم الروتا والمكورات الرئويه من شهر ونص ??
? لو عدي ست شهور يطعم الانفلونزا ??
? لو عدي سنه يطعم الفيروس الكبدي A والجديري المائي
? بعد سنتين يطعم المكورات السبحى ??
? فيه تطعيمات بتتاخد بعد التعرض للمرض في خلال من تلات ايام او اسبوع زي الحصبه، الفيروس الكبدي A والجديري المائي ?
? التطعيمات الإضافية في مصر?? إجبارية في دول اخرى
? لو سالتوني إيه اهم تطعيم، هقولك الروتا والبريفنار وبعدهم الانفلونزا، لازم الطفل ياخدهم ??
? التطعيمات ده غير موجودة في الوحدات الصحية وأفضل مكان ليها هى المصل واللقاح واحيانا بعض الأطباء بتوفرها عندهم في العيادة ?cpd#