بقلم د. احمد عبدالراضي

الشتاء وامراض القلب
في الجو شديد البروده لازم نعرف أن أمراض القلب بتزيد بدرجه ملحوظه وده بسبب
١- زيادة مجهود عضلة القلب لضخ كميات كبيره من الدم في كل أطراف الجسم عشان تزود درجة الحراره فتحتاج كميه كبيره من الأكسجين خصوصا ان في الشتاء بيزيد تلوث الهواء بالميكروبات
٢- تضييق الأوعية الدموية بسبب البردوه الشديده بيعلي الضغط ويسبب مضاعفات خطيره
اشهر أمراض القلب في البرد

الذبحه الصدرية نتجية قصور الشريان التاجي لاحتياج القلب كميات كبيرة من الأكسجين

هبوط حاد في عضلة القلب نتيجة ارتفاع الضغط وقصور الشريان بيعملو أرتشاح ميه في الرئتين ويبقي العيان بيغرق فعليا..دي اخطر ازمه قلبيه لازم العيان يتحول للعنايه فورا

جلطة الشريان التاجي أيضا بتزيد في البرد لنفس الأسباب

**نصيحه عدم التعرض للبروده الشديد خصوصاً مرضي القلب والضغط والسكر وفي حالة الاحساس بأي ألم في الصدر أو ضيق تنفس خصوصا مع المجهود لازم نراجع طبيب القلب دمتم بصحه وعافيه
د.احمد عبدالراضي اخصائي القلب والباطنه