قراءة في اللقاح الصيني لفيروس كورونا

تقديم د. اسعد يس

من امبارح ناس كتير معترضة على اللقاح الصينى وبتقول اننا بيتعمل فينا تجارب وليه مجبناش الامريكانى بتاع فايزر ابو كفاءة 95% بدلا من الصينى ابو كفاءه 86% فقط. …

*الشحنة اللى وصلت دي 50 الف جرعة هدية من شركة G42 الاماراتية .. والسببب ان اللقاح الصينى لم يحصل على اعتماد هيئة الاغذية والادوية الامريكية FDA بسبب الحرب الاقتصادية بين الصين وامريكا ولكنه حصل على اعتماد دول كثير منها الامارات والبرازيل واستراليا واندونسيا واغلب دول شرق اسيا وامريكا الاتينية.

• طبعا لقاح فايزر اكثر كفاءة وتطورا من اللقاح الصينى ولكن اللقاح الصينى هو الانسب لمصر للاسباب التالية :

1- لن نحصل على لقاح فايزر قبل فترة كبيرة من الان لان ترامب وقع مرسوم رئاسي ان يتم توجيه الانتاج للمواطن الامريكي اولا ثم الخارج … وطبعا سيتم توجيهه الى اوروبا كلها الاول ثم احنا فى المرتبة الثالثة.

2- حتى لو وصل لينا فلن نتمكن اصلا من التعامل مع لقاح فايزر لان نقله وحفظه لا يتم الا فى درجة حرارة اقل من 70 تحت الصفر ولا نمتلك هذة التكنولوجيا نهائيا. بينما اللقاح الصينى بيحفظ فى دراجة حرارة من ٢ : ٨ مئوية زى كل اللقاحات اللى احنا متعودين عليها فى اصغر وحدة صحية فى الارياف

3- لقاح فايزر معمول بتكنولوجيا جديدة (mRNA) وفكرتها تحفيز الجسم على انتاج اجسام مشابهة للفيروس بنفس بصمته الجينية بكميات قليلة ثم عمل مضادات لها وتبقى المضادات فى الجسم لتكتسبه مناعة .. (لا احد يعرف ماذا ستفعل هذة الاجسام المخلقة فى الجسم بعد سنوات من الان مع الخوف من تكنولوجيا G5 .. والخوف من دس جزئيات نانو ) .. بينما اللقاح الصينى تقليدي يشمل جزيئات فيروس كورونا ميت زى كل اللقاحات اللى احنا متعودين عليها ونعرف نحلله كويس ونطمن.

4- اللقاح الصيني اصلا عندنا بقاله 4 اشهر ووزارة الصحة عملت عليه اختبارات كثيرة على 4300 مصري بجيناتهم (ومنهم وزيرة الصحة) ولم يظهر اى مشكلة منه حتى الان .. (مصر من ضمن 4 دول عربية اجرت التجارب السريرية مع الاردن والامارات والمغرب ).

5- ثمن لقاح فايزر 19 دولار للجرعة الواحدة يعنى حوالى 40 دولار للجرعتين (630 جنية) بينما سعر لقاح سينوفاك الصينى 1.8 دولار للجرعة الواحدة يعنى 3.6 دولار للجرعتين (56 جنية).. يعنى لو طعمنا 50 مليون مصري فقط حيكون التطعيم باللقاح الصينى يتكلف 2.8 مليار جنية بينما بلقاح فايرز سنتكلف 32 مليار جنية (ده كمان لو طعمنا نص الشعب فقط) !!!

6- العقار الصينى تم اكتشافه قبل عقار فايزر بجوالى شهرين وتم بالفعل تطعيم به عشرات ملايين الصينين بينما لم يتم بعد استخدم لقاح فايزر الا على سيدة بريطانية فقط .. مما يطمئنا اكثر من حدوث مضاعفات جانبية بعد التطعيم .