مرض التمثيل الغذائي

⛔تخيل معايا لو انسان مريض والطبيب منعه من شوية أطعمة ممكن تأذيه كوضع مؤقت يعنى لحين شفاؤه ..شوف الانسان دة بيحس بايه وأد ايه بتكون فترة طويلة من الحرمان ؟!

اللى انت تخيلته دة واقع فى حياة?

#مريضالتمثيلالغذائى متعايش معاه كل يوم وطول الوقت ومدى الحياة .
⛔وانت خارج مع أصحابك أو عيلتك ايه اللى تاكله أو تشتريه من برة ؟!

#مريضالتمثيلالغذائى مايقدرش يشترى أو ياكل أى أكل من برة لانها كلها وبلا استثناء هتأذيه .
⛔تخيل فرحتك أول يوم حضانة أو مدرسة لابنك و فرحة ابنك بالمصروف اليومى اللى هيشترى بيه من كانتين المدرسة أو السوبر ماركت ؟!

#مريضالتمثيلالغذائى ،أهله مش بيفكروا فى اليوم دة غير فى احساس ابنهم وزمايله بياكلوا قدامه كل اللى ممنوع عنه وازاى ابنهم هيقدر يقاوم ومياكلش حاجة تضره .

ساعدنا ممكن تنقذ أطفال كتيرة من الاعاقة .