—” فى الذكرى 54 لنكسة يونيو / حزيران 1967م “
— إعادة نشر خواطرى –

— وف 5 يونيو – ياناس —— كان يوم علينا حزين

— لمَّا جُنُود صِهْيُونَ ——— خَانُوا الجِوَار والدّين

— هجموا على أرضنا ——— فى مصْرَ وفلسطين

— قتلوا وأسروا ولادنا ——– كسرولنا والله العين

— النكسه ذكرى أليمه ——– فاكرين ومش ناسيين

— والغدر أصبح شيمه ——– والحق ضاع والدّين

— باتت شعوبنا حزينه ——— باكيين ومجروحين

— ولابد من معجزه ———— تقلب لنا الموازين

— وساعتها /

— ساعتها من علينا ————- المولى بالبركات

— وحدثت المعجزه ————– وحبانا بالسادات

— قام فجر التصحيح ———- ثوره على البشوات

— دمر مراكز قوى ————- فتش عن الظلمات

— رجع لمصر الأمن ———— والعدل بعد فوات

— ولم شمل العرب ———— من بعد والله شتات

— والفرحه عادت لينا ———— وتعالت البسمات

—- قام الزعيم /

— وَحَّدَ جيوش العرب ———— حطَّمَ قيود الذات

— أعلن وقال ياعرب ————– لابد م الثارات

— والله أكبر آيةً —————- وسر لانتصارات

— أيه رأيكم ياعرب -؟ ———– هذا قرارى الآت

— رد العرب /

— قالوا معاك يازعيم ———— تأمرنا يابن الخال

— نفديك بكل عزيز ————— وبعمرنا والمال

— بشاير النصر /

— وف عشره من رمضان —— عَبَرَتْ أُسُودنا قنال

— دَكَّوا حُصُون العِدا ——— كَسِّرُوا أُتون وأَغْلال

— قتلوا جُنُود صِهْيُونَ ———- أُسروا قرود وبغال

— ورفعنا رايَة مصْرَ ———– فى وقتها فى الحال

— وكسَرَنا أنف العِدا ———— جبناله والله سعال

— قال جَيْشُهم لايقهر ————- هل دا كلام يتقال

— دا جَيْشُنا لمَّا ينوى ————- يَهْدِمُ تِلال وجِبَال

---

— ودى حِكاية وَطْن ———– نحكيها عَامَ ورا عَامَ

— لوْلادنا ولأَحفادنا ————— فى سائر الأيَّام

— يارب واحفظ مصْرَ ——— واجعل ظروفها تمام

بقلم د. بساده خلف

حطوا سكر كتير في علاقاتكم مع كل الناس
مع الغريب قبل القريب
حطوا سكر حلاوة لسان .. سكر تقدير .. سكر كلمة حلوة من غير مناسبة … سكر ابتسامة … سكر رفع معنويات نازلة … سكر وقفة رجالة مع واحد في شدة
حطوا سكر روح فرحانة … سكر نظرة امتنان … سكر ابتسامة شكر
حطوا سكر … كتير
سكر ود … سكر رضا بالمقسوم … سكر كرم الراجل مع أسرته … سكر حضن بيقول شكرا لبابا …. سكر بوسة بتقول شكرا لماما …. سكر طاعة للي ربوك … سكر أولويات صح في حياتك
..حطوا سكر كتير قد ماتقدروا
ماأكثر الملح والعلقم في علاقاتنا اليوم
لاعاد هناك ترابط بين الزوجين
ولا صداقة
و لا مصطلح ” صاحب العمر “
ولا احترام من الأبناء
صارت كل علاقتنا مُرَّة … مالحة
علاقة بطعم المصالح
علاقة بطعم الكراهية المستترة
علاقة بطعم الحقد والغيرة
علاقة بطعم التكبر والغرور
علاقة بطعم الكيد
وتموت كل يوم حلاوة السكر في حياتنا.
…
حطوا سكر … كتييير قد ماتقدروا
قبل مانموت من كثرة الملح في كل حياتنا.
…
د.بساده خلف