الفنان ماجد الكدواني في فيلم هيبتا قال كلام لفت نظرى أوي حبيت انقله لحضراتكم ??

• ابني كان بينسي يشحن موبايله قبل ما ينام أخدته حطيته يشحن… صحي الصبح مبسوط أوي و قعد يشكرني،، تاني يوم : بردو نسي، شحنته له، قال لي : شكرا يا بابا،، تالت يوم : نمت بدري و ما شحنتش الموبايل بتاعه، صحي متضايق و زعلان و بيعاتبني لية ماحطتش الموبيل على الشاحن ينفع كده ؟؟!!
• رتبت سرير بنتي كام يوم بدالها، بطلت ترتبه هي خالص، حتي لو مش تعبانة أو مش مشغولة…
• عودت صاحبي إني أتصل بيه أطمن عليه، في يوم تعبت و ما سألتش عليه، زعل وقالي ما إتصلتش بيا ليه؟؟؟
• إستحملت زميلي ساعة غضبه، بقي العادي بتاعه إنه يتعصب عليا ….
• صديق ورث هو واخواته عمارة بيقتسموا إيجارها، ساب حقه لإخواته كام شهر و أما إتزنق شهر و حب ياخد إيجارها شهر واحد، … بصوله باستغراب، و كان لازم يحكي تفاصيل زنقته عشان ياخد حقه.
  و..و…و….و…..حكايات كتير .. نفس النظام ..
  كل إللي يجي علي نفسه ويفضل غيره عليه ويشيل عنه، لازم يفضل كدة أو هيبقي وحش …..
  أوقات بنتنازل عن حقوقنا لحد ما الأخرين يفتكروها حق مكتسب!!!??

د. ايمن الامين

برعاية ودعم وزارة الصحة و رئيس الهيئة العامة للتأمين الصحى وبمساندة من نقيب الأطباء ومجلس النقابة ونقابة التمريض والعلوم الصحية ودعم الجهاز المركزى للتنظيم والإدارة تم الإجتماع مع ممثل الهيئة القومية للتأمين الإجتماعي وبحضور نقيب الأطباء ومسؤول اللجنة الوزارية بالنقابة و كامل أعضاء اللجنة الإستشارية للعجز المهنى ومقرر اللجنة ومدير عام اللجان الطبية وتم إقرار تسهيلات كثيرة تتعلق بإقرار الوفاة بمرض كورونا المستجد كوفيد ١٩ كوفاة إصابية للمعرضين للمخاطر المهنية بعد جهد كبير بدأ منذ إصدار تعليمات الإدارة المركزية للجان الطبية بالهيئة العامة للتأمين الصحى رقم ٦ لعام ٢٠٢٠ بمعاملة كوفيد ١٩ كمرض مهنى فى ٣١ مايو ٢٠٢٠ وتم الإتفاق على خطوات محددة كالتالى:
1- استيفاء نموذج 29 ت .ص من جهة العمل ( نموذج طلب إحتساب الوفاة إصابية )
2- صورة بطاقة الرقم القومى
3- صورة طبق الأصل من بطاقة الوصف الوظيفى
4- شهادة الوفاة
5- فى حالة الوفاة فى مستشفى ,تقرير طبى من المستشفى مرفق به مايفيد الإصابة بفيروس كورونا المستجد
6- فى حالة الوفاة خارج المستشفى، نتيجة المسحة وفى حال عدم توافرها : يعتد بالأشعة المقطعية على الرئتين بها علامات إلتهاب رئوى غير نمطى
7- نموذج إخطار بلاغ وقوع إصابة عمل من جهة العمل .
كما تم فى اللقاء التوصل الى إجراءات ميسرة لاستخراج شهادة وفاة إصابية بسبب الإصابة بفيروس كورونا المستجد وهى كالتالى :
1- إستيفاء الملف كاملًا وإرساله الى اللجنة الطبية حسب الموقع الجغرافى لكل حالة
2- تقوم اللجنة الطبية بعد فحص الملف بإرساله للإدارة المركزية للجان الطبية
3- عرض الملف على اللجنة الإستشارية العليا للأمراض والعجز المهنى
4- إرسال الملف كاملا ً الى هيئة التامين الإجتماعى لإتخاذ اللازم طبقاً للقانون .

د. .اشرف السيد مدير المركز الإعلامي لمديرية الصحة

مستشفي قنا العام تنجح في عمل 24 عملية قسطرة قلبية من بداية 2021

في واحدة من أهم الإنجازات للفريق الطبي بمستشفي قنا العام وإيمانا بالدور الإنساني الذي تقدمه كافة الفرق الطبية العاملة بالمستشفي
وتنفيذا لتعليمات الدكتورة هالة زايد وزيرة الصحة والسكان و اللواء أشرف غريب محافظ قنا بضرورة العمل علي تطوير المنظومة الصحية وتنفيذ العمليات الدقيقة بالمستشفيات

أعلن السيد الدكتور راجي تاوضروس صالح مدير مديرية الشؤون الصحية بقنا أن مستشفي قنا العام بقيادة الدكتور محمد الديب مدير المستشفي قد قامت بعمل 24 عملية قسطرة قلبية منذ بداية الشهر الحالي للمرضي المحتاجين

وذكر الدكتور راجي أن وحدة القسطرة القلبية بقنا العام كانت تقوم بعمل القسطرة التشخيصية وتم تطويرها لتقوم بعمل القسطرة التشخيصية والعلاجية معا بمتوسط 30 حالة أسبوعيا في الظروف العادية ما قبل دخول فيروس كورونا وإتخاذا للإجراءات الاحترازية تم وصول عدد العمليات الي 15 حالة أسبوعيا تماشيا مع الوضع الراهن

ورغم إغلاق العمل بالمستشفيات فترة العزل لمدة 3 شهور بالموجة الأولي لكورونا إلا أن المستشفي قد نفذت 298 عملية قسطرة قلبية في عام 2020 ….

هذا وقد ذكر الاستاذ الدكتور أحمد عبدالجليل استاذ القلب بجامعة أسيوط استشاري القلب والمشرف علي وحدة القسطرة القلبية بالمستشفي أن قوائم الانتظار قد وصلت إلي 190 حالة في وقت الموجة الأولي لكورونا ووصلت قوائم الانتظار الي 41 حالة فقط حتي اليوم بفضل المجهودات التي قام بها فريق وحدة قسطرة القلب …

هذا ويتقدم السيد الدكتور راجي تاوضروس وكيل الوزارة بالتحية والتقدير إلي فريق وحدة قسطرة القلب والذي يضم

د.احمد عبدالباقي رئيس وحدة قسطرة القلب والدكتور أحمد الزقيم رئيس قسم القلب بالمستشفي والدكتور مخلص صبحي والدكتور محمد عبدالماجد والدكتور وائل رأفت والدكتور أحمد عبد الراضي والدكتور محمد ياسين والدكتور وائل فوزي والدكتور وليد صلاح بالإضافة الي الفريق المساعد من الفنيين والتمريض ومشرفهم الاستاذ مصطفي الدسوقي

حفظ الله جنود مصر الأوفياء من فريق جيشها الابيض

عرض وتقديم / اسماء ابوالحسن

كلام علمى محترم واجب كلنا نقرأه ونفهمه….
معلومه طبيه علي مواجهة الكورونا
عرض مبسط ورائع جدا جدا من صفحة الاستاذ الدكتور Atef Morsy عاطف مرسي عميد طب بني سويف
المعركة مع كورونا فى الحلق
لوفهمت فيروس كورونا هتهزمه
مبدأيا هو مش كائن حي ، هو حمض نووي بيحلم يبقي كائن حي .
١- خطته ؟

• مالوش حياه غير جوا خلايا الرئة هي المكان الوحيد اللي ممكن يستوعبه وتعطيه كمية الأوكسجين اللي محتاجها علشان يعيش.
  ٢- طريقه التنفيذ :
  ينتقل برذاذ الهواء او من ايديك لأنفك ثم للقصبة الهوائية استعداد للتسلل للرئة .
  ٣- ايه اللي ممكن يمنعه ؟
  مجرد دخوله الحلق هايقابل اعصار من اللعاب يجبره علي دخول المعدة علشان يموت من أحماضها وبكده مايعرفش يدخل الرئة ويموت .
• وايه الحل لو مدخلش المعدة؟
  -هايتشبس بجدار الحلق اطول وقت ( علشان كده يحصل ألم في الحلق ) ويمص كل اللعاب علشان جفاف الحلق هايخلي اي شويه هوا يدخلوه علي الرئه(علشان كده ريقك بينشف) ارجوك اشرب الماء كتير وياريت دافي علشان تجبره يدخل المعده ويموت .
  في اللحظه دي المخ بيعرف اللي بيحصل فيبتدي يرفع حرارة الجسم علشان يقتله ( كده المريض يسخن ) ساعتها ارجوك اتغرغر بمياه عليها خل وليمون وملح هايموت فورا .
• طيب لو فشلنا وحصلت الكارثه ودخل الرئه ؟
• في الحاله دي هايحتل اي خلية ويسكن فيها ويتحول لكائن حي ويبتدي يتكاثر ويعمل من الخلية مصنع فيروسات .
  ( خارج الجسم كان لايمكن يتكاثر ) علشان كده الجلوس ف البيت يقلل انتشاره ويقضي عليه .
• دلوقتي هو في الرئه ، فورا هايبتدي خط دفاع كرات الدم البيضاء يهاجمه بشكل عشوائي.
  هنا بقي لو قلبك وضغط الدم واللياقه كويسيين هاتضخ كميه دم كبيرة مليانة مضادات دفاع وتقتله ( ده الانسان اللي مناعته قويه ) علشان كده نتحرك ونلعب رياضة في البيت ونبطل تدخين ارجوكم الفتره دي علشان نقوي الدورة الدموية والحركة طول اليوم .
  خلي بالك الاكتئاب والخوف والوهم وتداول الاخبار المرعبه بتشل جهاز المناعه وتخلي المرض يتمكن منك .
  لسه الفيروس في الرئه والدفاع بيحاول يقتله وغالبا بينجح بس اللي مناعته ضعيفه او المدخن هايفشل خط الدفاع و هاترجع كرات الدم البيضه مهزومة لكن معاها عينه من الفيروس فيبتدي جهاز المناعه يصنع اجسام مضادة مناسبة لشخصية الفيروس ويرجع يدمره .
  بس للاسف ?
  التصنيع محتاج من يومين الى خمس أيام وممكن يكون الفيروس دمر الرئه ويموت الانسان لومناعته ضعيفه او عنده مرض مزمن لكن لو جسمه سليم وصحته معقوله هايصبر لحد ما الاجسام المضاده تيجي تدمر الفيروس وده بيحصل عند النسبة الاكبر .
  مبروك ?
  (٨١٪؜) من اللي بيجيلهم الفيروس بيحصل الكلام ده أوتوماتيك من غير مايحس ويجيلو الفيروس ويموت وهو مش عارف .
  باقي (١٩٪؜) وهما عباره عن(١٥ ٪؜) بيخضعو للحجر او العلاج ويشفوا بالكامل
  فاضل كده (٤٪؜)
  وهما مكونين من (٢٪) ؜بيدخلو العناية المركزة ويشفوا بالكامل
  وللأسف????(٢٪) اللي اتكلمت عنهم ؜(المريض بضعف المناعه او مرض خطير ) للاسف بيموت .
  الخلاصه :
  -نسبه الشفاء من الفيروس (٩٨٪؜) بدون مصل يعني اضعف فيروس ظهر ف الكون .
• ليس له تأثير علي(٩٩٪)؜ من الاطفال وخطورته علي المرضي بضعف المناعة.
• أخطر حاجه ممكن تصيبك بالمرض هو التوتر والقلق ومتابعه الاخبار السيئه وقله النوم وعدم الحركه والعدوي بالتجمعات .
• اللي يدمر المرض هو الضحك والتفاؤل ولعب الرياضه في البيت لتنشيط الدوره الدمويه وأكل الخضار الاخضر والفاكهه وبالذات الموالح ،وماتنساش ( لو امكن) التعرض للشمس في مكان مفتوح .
  علي فكره نسبة الاصابات الى الآن مازالت قليلة .
  ارجوك جه دورك تنشر المعلومة والأمل والتفائل في رحمة ربنا بنا … دمتم سالمين ٠

اللون_الازرق في الصورة هي المنطقة التي تحتوي على ذاكرة الانسان وتبلغ مساحتها التخزينية حوالي ١٠٠٠ تيرابايت أي حوالي مليون جيجا بايت وهي ما تعادل مساحة ٣ مليون ساعة فيديو والتي تستغرق لمشاهدتها حوالي ٣٠٠ سنة مستمرة..⁉️ فسبحانك ربي .

بقلم د. محمود حسن عبدالنور

عزيزى المريض
إن كنت من مرضى فيروس سي وقد أتممت علاجك والحمد لله حاليا لا يوجد لديك فيروس …يعنى ال بي سي آر بتاعك سلبى ….خلى بالك هذه ليست نهاية المطاف فى علاجك ….لازم كل 6 شهور تعمل اشعه تليفزيونيه علي الكبد وتعمل وظائف كبد ولا تقوم بعمل تحليل الفردوس ( بى سي آر ) إلا إذا وجدت الإنزيمات مرتفعه …..خلي بالك متابعة فيروس ( بي ) مختلفه تماما عن متابعة فيروس ( سي ) ….شفاكم الله

لا يثمّن الشيء إلا من يعرف قيمته، فلا تترك أحدا يثمّنك.

قبل ثمانين سنة مضت، كانت مدينة سامراء في شمال بغداد مدينة علم فيها جامعة كبيرة وعلى رأس هذه الجامعة العلمية العلامة الكبير “أبو الحسن “.. والذي كان من ألمع رجالات الفكر في العراق ولديه عدد كبير من الطلاب من شتى أنحاء العالم العربي.
وكان من أنبغ تلامذته تلميذ فقير الحال، لكنه يحمل ذهناً متوقداً وكانت معيشته عن طريق راتب من قبل أستاذه العلامة (أبو الحسن)، وهو راتب ضئيل.. لكن طموح التلميذ كان عظيمآ وهو أن يصبح أحد أعمدة العلم في العراق.
وفي يوم ظهيرةٍ وحار جدآ؛ خرج التلميذ الفقير من الدرس وهو جائع ويحمل في جبيه فلسآ ونصف الفلس لكن الوجبة من الخبز والفجل تكلف فلسين…
اشترى بفلس واحد خبزة واحدة وذهب الى صاحب محل الخضروات وطلب منه باقة فجل.. وقال للبائع معي نصف فلس لاغير؛ فرد عليه البائع ولكن الباقة بفلسٍ واحد… فرد عليه التلميذ لا شيﺀ عندي أعطيك سوى علمي؛ سوف أفيدك في مسألة علمية أو فقهية معينة…
فرد عليه بائع الفجل لو كان علمك ينفع لكسبت نصف فلس من أجل إكمال سعر باقة فجل واحدة.. اذهب وانقع علمك بالماﺀ واشربه حتى تشبع!!!

كانت كلمات البائع أشد من ضرب الحسام على نفسه، فخرج من محل البائع وهو يجر أذيال الخيبة وهو يتمتم نعم صحيح لو كان علمي ينفع لكنت كملت سعر باقة الفجل الواحدة نصف فلس !!!
علم عشر سنين لم يجلب لي نصف فلس!!!
كم أنا غبي… ضاع عمري هدرآ على شيﺀ لم يجلب لي نصف فلس.. والله لأتركن الجامعة وأبحث عن عمل يليق بي وأستطيع أن أشتري ماأشتهي وأعيش عيشة رجل محترم.

وبعد أيام افتقد الأستاذ الكبير تلميذه النجيب وفي قاعة الدرس سأل الطلاب أين زميلكم المجد؟
فرد عليه الطلاب إنه تخلى عن الجامعة والتحق بعمل يتغلب به على ظروفه القاسية…
.
استغرب الأستاذ العلامة وقال أين بيته أريد مقابلته!!!

قالوا له: أستاذنا أنت أعظم من أن تزوره، وقد ترك الجامعة بإرادته …

فقال الأستاذ: لا… أريد أن أعرف ما هو سبب تركه الجامعة.
أخذ الاستاذ عنوان الطالب ودخل إلى بيته مشفقآ عليه.. فخجل الطالب من دخول أستاذه وعليه الهيبة والوقار رحب بأستاذه أشد الترحيب …

فسأله الأستاذ عن سبب تركه الجامعة؟

فرد عليه مسردآ القصة كاملة وعيناه تذرفان الدموع بغزاره

فأجابه أستاذه إنك تحتاج إلى نقود وإليك خاتمي هذا اذهب وبعه وأصلح به حالك

فقال الطالب: ليست القصة قصة خاتم ونقود إنما أنا كرهت العلم لأني لم أنتفع منه
فرد عليه الأستاذ هذا الخاتم ليس من أجل العودة إلى دروسك بل من أجل أن تفك الضيق عندك

‏ وكان العلامة ذا حكمة بليغة فهو الحكيم في ذلك الوقت.. فقبل الطالب هدية أستاذه وسار إلى محلات الصاغة وهناك عرض الخاتم للبيع*

استغرب الصائغ وقال: أشتري منك الخاتم بألف دينار ولكن من أين لك هذا الخاتم؟

فقال هو هدية لي من عند أستاذي (ابو الحسن)!!!

قال الصائغ: خاتم ثمين هدية؟!! وشكلك لا يوحي بأنك تعرفه وملابسك رثة!! أنت سارق الخاتم أليس كذلك؟!!!

فرد عليه الطالب هيا معي إلى أستاذي من أجل أن تصدق أنه هدية منه …

وذهب الصائغ مع التلميذ وقابلا الأستاذ واطمئن من صدق الطالب

أعطى الصائغ ثمن الخاتم إلى الطالب وتوجه إلى أستاذه ليشكره

فقال الأستاذ للطالب: أين ذهبت عندما أردت بيع الخاتم؟
فرد الطالب إلى محلات الصاغة بالطبع
فرد عليه الأستاذ: لماذا ذهبت إلى محلات الصاغة؟
فرد عليه الطالب هناك يثمنون الخواتم والمعادن الثمينة!!

فرد عليه الأستاذ متعجبآ: فلماذا إذآ قبلت أن يثمنك بائع الخضراوت ويثمن علمك ويقول إن علمك لا ينفع شيئآ؟!!!
هل يثمن البائع علمك؟!!!

لايثمن الشيﺀ سوى من يعرف قيمته.
وأنا أثمنك إنك من أعظم طلابي يابني.. لا تدع من لا يعرف قيمتك يثمنك.
التثمين يكون من صاحب الخبرة ومن يعرف قدرك…

هذة القصة الرائعة تنطبق على حياتنا… كم مرة نقع ضمن تثمين خاطئ من شخص لا يعرف قيمتنا… التقييم ينبع من جهتين من الداخل والخارج.

والتقييم الخارجي لايقدر إلا من أصحاب العلم والإختصاص الذين يعرفون قيمة الإنسان مهما كان صغيرآ…
الناس معادن ولا يعرف قيمة المعدن النفيس إلا الصاغة في علم الرجال …

أسعدنا الله واياكم في الدارين?

الزوج : ها عملتي إيه علي الغدا ؟ متنسيش أختي وجوزها جايين إنهاردة .
الزوجة : عاملة سمك مقلي .
الزوج : مممممم كويس … أي مساعدة ؟
الزوجة : لا شكراً أنا خلاص بقطع ديل آخر سمكة أهو والتتبيلة جاهزة .
الزوج : بتقطعي ديل السمك !! طيب ليه ؟
الزوجة : يعني عاوزني أقلي السمكة بديلها ؟
الزوج : وإيه المانع يعني ؟
الزوجة : هههه يا راجل حرام عليك .
الزوج : حرام !! هي وصلت للحرام ؟ لأ لازم أعرف ليه بقي .
الزوجة : والنبي بلاش إفتكاسات روح غير هدومك متضيعش الوقت الناس علي وصول
الزوج : لا بجد ليه حرام نقلي السمك بديله ؟
الزوجة : يا راجل عاوز تضحّك أختك عليا ؟ تقول عليا إيه ؟ وأنت عارف لسان اختك .
الزوج : يعني اختي كمان هتتريق لو شافت السمك مقلي بديله ؟
الزوجة : طبعاً … وهتمسكهالي وتدور تحكي لستات العيله كلها وتركبني العيب .
الزوج : ياااااه … للدرجادي قلي السمك بديلة حاجة حرام وكمان عيب ؟
الزوجة : مش حرام بمعني حرام يعني بس همه علمونا كدة .
الزوج : مين دول اللي علموكو ؟
الزوجة : أمهاتنا …. أمي علمتني كده … إتريق بقي خلي نهارك ميعديش !!
الزوج : لا لأ الطيب أحسن … بس هيه مقلتلكيش عن سبب وجوب قطع ديل السمكة قبل قليها ؟
الزوجة : ييييييييه بدأنا في الفلسفة وأنا عارفة مش هخلص فففففففف .
الزوج : هههههه لا بجد أصل الموضوع مُلفت للنظر ودفاعك بتلقائية عن قطع ديل السمكة مع إستخدامك لكلمات زي (حرام , عيب , الناس تاكل وشي) مخليني عاوز أعرف عِلة التحريم وسبب العيب .
الزوجة : عِلة التحريم !! دانا إللي هيجيلي علة منك ومن فلسفتك عمال علي بطال
الزوج : ههههه قدرك تتجوزي واحد بيشغل عقلة وبيسأل مش ماشي في قطيع العقل الجمعي !!
الزوجة : بقولك إيه …. أسأل ماما … روح كلمها في التليفون واسألها ليه بنقطع ديل السمكة قبل ما نقليها وسيبي أكمل اللي في أيدي بقي الساعة داخلة علي تلاته .
الزوج (بصوت منخفض) : أسأل حماتي !! آه أسألها آه … مسألهاش ليه .. ربي لا أسألك رد القضاء …
الزوج : الو … إذيك يا ماما ؟
الحماة : الو خير مش بعادةيعني , كويس إنك لسه فاكر إن ليك حماة تسأل عليها ده انت من يوم …….
الزوج (مقاطعاً) : حبيبة قلبي والله دايماً في سيرتك وكنا عاوزين نسألك ..
الحماة : وعاوز تسأل علي إيه بقي ؟ ما أنت طول عمرك عامل أبو العُريف, بركة إنك أتحوجتلي و ……
الزوج (مقاطعاً) : وإحنا نستغني , أنا كنت عاوز أعرف ليه بتقطعوا ديل السمكة قبل ما تقلوها ؟
الحماة : وانت إيش فهمك أنت ؟ هتفتي في دي كمان ؟ أدي اللي كان ناقص .
الزوج : لا لا بفتي ولا حاجة انا بس عاوز أعرف من باب العِلم بالشئ .
الحماة : ماهو لازم نقطع الديل آه لازم نقطعة … منقطعوش إزاي لازم .
الزوج : إيوه … لازم ليه بقي ؟
الحماة : لازم وخلاص … همه علمونا كدة … أتولدنا لاقينا أهلينا بيعملو كدة, وبعدين ربنا يحاسبنا يابني , الولاد والزوج دول أمانة في رقبة الزوجة .
الزوج : ربنا هيحاسبكو ؟!! يعني لو مقطعتوش ديل السمقة قبل ما تتقلي تدخلو النار ؟ طيب في سبب طبي يمكن ؟ أو طعم السمكة هيتغير مثلاً ؟ في حاجة سامة في ديل السمكة لو إتقلت هتعملنا امراض مثلاً ؟
الحماة : والنبي يابني ماعرف … بس دا شئ بقي بديهي كده وبنعمله من غير ما نسأل , أصل دي مسألة ضمير وأمانة وربنا ميحبش الست تقصر في حق جوزها وعيالها , طيب ما تسأل الحاجة نعمات , أهي هيَّ اللي علمتني كده .
الزوج : الحاجة نعمات مامة حضرتك ؟
الحماة : آه والله دي دايماَ بتسأل عليك وتدعيلك … مش عارفة بتحبك علي إيه .
الزوج : ههههه حبيبة قلبي وجدة روح قلبي …. حاضر هكلمها … سلام .
الزوج : ألو أذيك يا تيتة .
الجدة : ميييين ؟
الزوج : انا أحمد جوز سامية بنت بنتك .
الجدة : سوبر ماركت !! لا يابني النمرة غلط
الزوج (زاعقاً): يا حاجة انا أاااحمد … أحمد جوز سامية .
الجدة : اذيك يابني واحشني .
الزوج (مازحاً) : والله وانتي كمان . ولو إنك عملتي أزمة في العيلة هههههه .
الجدة : أزمة ! أزمة إيه يابني كفا الله الشر .
الزوج : ليه يا حاجة بتقطعو ديل السمكة قبل ما تقلوها في الزيت ؟ مينفعش نسيبه ؟
الجدة : ينفع يابني مينفعش ليه ؟ ده حتي السمكة يبقي شكلها أحسن في الطبق وعلي الأقل الواحد يبقي عارف بياكل إيه وميتغشش ويجبولو البلطي ويقولوله ده دنيس
الزوج : الله ينور عليكي يا تيتة … أهو كدة … طيب ليه حماتي وسامية مراتي بيقولو إنك علمتيهم كدة ؟
الجدة (ضاحكة): يابني ده كان زمان … وكنا مضطرين مش بمزاجنا !!
الزوج : إذاي يا حاجة فهميني ؟
الجدة : يابني زمان أول ما إخترعوا الطاسات كان حجمها صغير وكانت السمكة بتطلع براها فكنا بنقطع الديل علشان السمكة كلها تدخل الطاسة ومتتحمّرش من عند راسها وديلها يبقي ني , إنما دلوقتي بقي عندهم التيفال والميفال يا خويا والطاسة تساع حوت بديلة , ويا ريتهم بيعرفوا يطبخوا ,دانا أيام جدك الحاج الله يرحمة كان عليا قلية سمك توقف الشارع علي رِجل من ريحتة و ….
الزوج (مقاطعاً) : يعني مش عيب ولا حرام نقليها بديلها ؟
الجدة : عيب إيه وحرام إيه ؟ إيه يا واد العبط دة ؟ هي سامية ما جبتش في جهازها طاسات كبيرة ؟ يادي الكسوف … معلش يابني
الزوج : كسوف !!
الجدة : طبعاً يابني … حاجة المطبخ علي العروسة وربنا ميحبش الظلم … الناس تاكل وشنا لو مجبناش طقم الطاسات كامل و ….
الزوج : ومين فرض الفرض ده. وليه ربنا يحاسبكو علي الطاسة ؟
الجدة : والله يابني اتولدنا لقينا اهلاينا بيقولو كدة ومسألناش, ده فيه جوازات بتبوظ علشان طقم الطاسات.
الزوج (مُهمهماً) : خلاص يا حاجّة خلاص … أنا عرفت دلوقتي إذاي بتتفرض المفروضات وبعد شوية تتنقل لخانة المكروهات ثم المحرمات وتكتسب مع قِدم القول بها قداسة يستحيل نفيها و نأثم إذا خالفناها !!
مممممم ده لولا ربنا يديكي طولة العُمر موجودة وحِسك في الدنيا معانا مكنّاش هنعرف نوصل لأصل موضوع ديل السمكة ده, ولو كنت قعدت أنا 300 سنة أحاول أقنعهم إن قطع ديل السمكة قبل القلي كان تَصَرُّف لضرورة محكومة بظروف وأدوات زمانها ولعِلة إنتهي سببها وإن معرفة ودراسة الأحوال ضرورة لفهم الأخبار والأقوال محدش كان هيسمع … ومش بعيد جماعة ’’أنصار بيت البُلطي’’ كانت تكفّرني وتقتلني علي إستهزائي بما ثبُت وتواتر عن وجوب قطع ديل السمكة قبل قليها .
الجدة : بتقول ايه ؟ مش سامعة يابني .. علي العموم متزعلش يابني هاجيبلك أنا الطاسة .
الزوج : لا يا حاجة كتّر خيرك إحنا إللي مجتمع محتاج يقلع من علي دماغة الطاسة !!

د/ اسامه ابراهيم

قد يرقدون ولا ينامون ، وقد يأكلون ولا يهضمون ، وقد يضحكون ، ولا يفرحون ، وقد يوارون دمعتهم تحت بسمتهم .
كبار السن : يؤلمهم بُعدك عنهم ، وانصرافك من جوارهم ، واشتغالك بهاتفك في حضرتهم .
كبار السن : لم يعودوا محور البيوت وبؤرة العائلة كما كانوا قبل فانتبه ولا تكن من الحمقى فتشقى !!
كبار السن : حوائجهم أبعد من طعام وشراب وملبس ودواء بل وأهم من ذلك بكثير
فهل من عاقل .
كبار السن : قريبون من الله دعاؤهم أقرب للقبول …
فأغتنم قبل نفاد الرصيد .
كبار السن : فقدوا والديهم وفقدوا كثيراً من رفقائهم ، فقلوبهم جريحة ونفوسهم مطوية على الكثير من الأحزان .
كبار السن : الكلمة التي كانت لا تريحهم حال قوتهم الآن تجرحهم والتي كانت تجرحهم الآن تذبحُهم !!
كبار السن : لديهم فراغ يحتاج عقلاء رحماء يملؤونه .
كبار السن : يحتاجون مَن يسمع لحديثهم ، ويأنس لكلامهم ، ويبدو سعيداً بوجودهم .
كبار السن : غادر بهم القطار محطة اللذة ، وصاروا في صالة انتظار الرحيل …
ينتظرون الداعي ليلبوه .
كبار السن : يحتاجون إلى بسمةٍ في وجوههم ، وكلمةٍ جميلة تطرق آذانهم ، ويداً حانية تمتد لأفواههم ، وعقلاً لا يضيق برؤاهم .
كبار السن : هم الأب ، والأم ، والجد ، والجدة ، وسواهم من ذوي القرابات ممن شابت شعورهم ويَبِسَت مشاعرهم.
اجعلهم يعيشون أياماً سعيدة ، ولياليَ مشرقة ويختمون كتاب حياتهم بصفحات ماتعة من البر والسعادة حتى إذا خلا منهم المكان لا تصبح من النادمين .
كن العِوضَ عما فقدوا ، وكن الربيعَ في خريف عمرهم وكن العُكّازَ فيما تبقى .
سلامٌ على كبارِ السن … وسلامٌ على مَن يراعون كبارَ السن … “
هم كبار السن الآن ، وسيذهبون،، وعما قليل ستكون أنت هذا الكبيرَ المسنَّ …
فانظر ما أنت صانع وما أنت زارع !
حفظ الله اهلينا .. ورحم كبارنا ومَن سبقنا الى جنات عليين.
اللهم امين ???ربي ارحمهما كما ربياني صغيرا.

كان يا ما كان فى كل قريه مصريه

كان حدانا في القرية والقُري اللي جنبها
أي زوجه تقول لأخو زوجها يا عمي حتى لو أصغر منها ب 20 سنه , و أخت الزوج اسمها عمّه , ده لا قهر ولا استعباد , دي موده ومحبه .واحترام

كان حدانا في القرية.
أي راجل بشنب ملو هدومه يقول لأي ست أكبر منه يا خاله حتى لو ماتقربلهوش خاله فلانه , لو كان عندها ألف فدان يقول لها يا خاله , ولو بتبيع جرجير قدام الجامع يقول لها يا خاله .

كان حدانا في القرية
العم بيتقال له أبوك فلان , روح هات كذا من بيت أبوك فلان , اللي هو عمك , و الجد بيتقال له سيدي فلان و أي راجل عجوز بيتقال له يا سيدي

كان حدانا في القرية
الإبن حتى لو كان أستاذ في الجامعه يبوس إيد أبوه و أمه و عمه الكبير و خالته الكبيره , يوطي و يبوس ضهر إيدهم مش يبوس خدهم .

كان حدانا في القرية …
لو حد تعب البلد تتقلب , ولو حد مات كله يعزي و يجهز أكل للضيوف اللي جايين يعزو من بره البلد ( كل بيت يجهز أكل ) , و في الفرح كله يحضر من غير كارت دعوه , من غير قاعه , القرية بتبقى هي القاعه .

كان حدانا في القرية…
ناس بتصحى من الفجر تركّب العده عالحمار و تعلّقه في العربيه الكار و تربط البهايم في العربيه من ورا و صوت ماكينات الري يظهر مع صياح الديوك , و أرض عطشانه بتشرب و عصافير بتسبح ربنا .وراديو بيقرأ القرآن في كل بيت

كان حدانا في القرية…
لو ماشي وشايل حاجه بتتاكل جايبها من الارض لازم تعزم عالناس اللي بتقابلك , خد لك شوية بصل أخضر لسه بطينهم أهم , خدي لك كرنبه يا خاله . خوديلك قرنين فول اخضر يا خاله

كان حدانا في القرية…
ناس بتنام بعد العشا , إيديهم خشنه و مشققه , بينامو مهدودين و مبتسمين , مطمنين، مرتاحين البال لا سمعو عن أمراض نفسيه ولا يعرفو المنوم و لا المهدئات ولا لعنو الظروف ولا الدكتور قال لهم محتاجين تطلعو شرم أسبوع عشان تغيرو جو .

كان حدانا في القرية…
لمه وقت العصريه قدام كل بيت، ضحكه بتطلع من القلب وحب الخير للجار و كلام حلو , صباحك نادي , خلّي عنك , العوافي , من يد ما نعدمهاش، ازيكم

كان حدانا في القرية.
طرنبة مايه عمرها أكبر من عمر بلاد عالخليج و شجرة عمرها أكبر من عمر أمريكا . وابتسامه صافيه من القلب متقدرش تشتريها دولارات العالم

كان حدانا في القرية..
وشوش بتعرف تبتسم و عواجيز في ملامحهم خريطة بلد , و عيال صغيره بتاخد الحكمه والفلسفه من القاعده مع الاجداد ( لما بيقعد مع سيده ) , مش من كتب ( الخواجات ) .

كان حدانا في القرية.
واحنا صغار بنلعب، اللعب يقف لما الراجل او الست الكبيره تعدي، وكان لما ابو اي حد فينا يجي نحط عنينا في الارض احتراما ليه،، ونقوله يابا

كان حدانا في القريه.
أدب و خجل و توقير للكبير و فيها حياه , حاجات كتير اختلفت بس لسه فيها حياه , الله يخرب بيت المدنية علي التطور على أم عوجة اللسان على بليز على ميرسي علي الماكياج و الماسكات و الوشوش.
يرحم زمااان وليالي زمان ايام العزه والكرامه والشهامه والضحكه اللي م القلب..